इजरायली वरिष्ठ सैन्य अधिकारीले दिए राजीनामा

काठमाडौँ । अक्टोबर ७ मा इजरायलको किवुजमा हमासको नेतृत्वमा भएको आक्रमण गुप्तचर विफलता भएको स्वीकार गर्दै इजरायलको सेनाका गुप्तचर प्रमुखले सोमबार राजीनामा दिने घोषणा गरेका छन् । हमासको आक्रमणपछि उच्च सैन्य पदबाट हट्ने सबैभन्दा वरिष्ठ अधिकारी उनी नै हुन पुगेको न्यूयोर्क टाइम्सले उल्लेख गरेको छ ।

मिलिटरी इन्टेलिजेन्सका निर्देशक मेजर जनरल अहरोन हालिवाले सेना प्रमुख लेफ्टिनेन्ट जनरल हर्जी हालेवीलाई सेना छोड्न चाहेको भन्दै पत्र पठाएका थिए ।

अक्टोबर ७ को केही दिनभित्रै, जनरल हालिवाले सैन्य गुप्तचर निर्देशनालयले आसन्न आक्रमणको चेतावनी दिन असफल भएको भन्दै असफलताको ‘पूर्ण जिम्मेवारी’ आफूले लिएको घोषणा गरेका छन् ।

यतिबेला इजरायल हमास विरुद्धको आक्रमण र इरानसंगको सेन्य द्धन्द्धमा अल्झिरहेको छ ।