एजेन्सी । उत्तर कोरियाका तानाशाह किम जोन उनकी बहिनीले अमेरिकासँगको वार्ताको प्रस्ताव अस्वीकार गरेकी छन् ।
साथै उनले थप भूउपग्रह प्रक्षेपण गर्ने प्रतिवद्धता जनाएकी छन् ।
उत्तर कोरियाको यो कदमले अमेरिका थप चिडिने अनुमान गरिएको छ ।
उत्तर कोरियाली नेता किम जोङ उनकी बहिनी किम यो जोङले बिहीबार कूटनीतिमा फर्कने अमेरिकी प्रस्तावलाई अस्वीकार गरेकी छन्।
किम यो जोङले कोरियाले उठाएको यो कदमको प्रशंसा गर्नुपर्छ भन्ने विश्वास गरे पनि कोरियाको यो कदमले संयुक्त राष्ट्रसंघको प्रतिबन्धको उल्लङ्घन गरेको भन्दै चौतर्फी आलोचना भइरहेको छ ।
किमकी बहिनीले अमेरिकासँग कहिल्यै आमनेसामने नबस्ने बताइन् ।
यस हप्ताको सुरुमा, संयुक्त राष्ट्र सुरक्षा परिषदको बैठकमा, अमेरिकी राजदूत लिन्डा थोमस(ग्रीनफिल्डले उत्तर कोरियाको भूउपग्रह प्रक्षेपणलाई लापरवाह र अवैध कदम भनेका थिए।
ग्रीनफिल्डले उत्तर कोरियाको यो कदम छिमेकीहरूका लागि खतरा भएको बताएका छन् ।
वार्ताको प्रस्ताव राख्दै उनले उत्तर कोरियाले कुनै पनि शर्त बिना ‘समय र विषय छान्न’ सक्ने बताएका थिए ।
