हमास आक्रमणपछि बेपत्ता यी इजरायली युवतीकाे ४७ दिनपछि शव फेला

एजेन्सी । गत अक्टोबर ७ मा हमासको हमलामा बेपत्ता भएकी २६ वर्षीया इजरायली महिला शनि गाबेको शव बुधबार फेला परेको छ।

योकानिमका मेयर साइमन अल्फासीले शनिको मृत्युमा शोक व्यक्त गर्दै उनी अब यो संसारमा नरहेको बताए ।

उनले ४७ दिनदेखि शानीको आगमनको आशा गरेको बताए । तर, उनको मृत्युपछि यो आशा पनि समाप्त भएको मेयरले बताए ।

यससँगै साइमन अल्फासीले पनि शनिको परिवारप्रति समवेदना व्यक्त गरेका छन् ।

उनले शनिका आमाबुवा याकूब र मीकल, उनका भाइ एभिल र उनकी बहिनी नित्जानप्रति संवेदना व्यक्त गरे। शनिको परिवारले सात हप्तासम्म शनिलाई खोजेर घर ल्याउन हरसम्भव प्रयास गरेका थिए ।