अमेरिका–क्यानडा सिमानामा कार विस्फोट, दुई जनाको मृत्यु

एजेन्सी । अमेरिका–क्यानडाको सिमानामा नियाग्रा फल्स नजिकै बुधबार दिउँसो एउटा गाडीमा विष्फोट हुँदा दुई जनाको मृत्यु भएको छ ।

त्यसपछि अमेरिका–क्यानडा सीमा नाका बन्द गरिएको छ । मृतक दुई जनाको अझै सनाखत हुन नसकेको अधिकारीहरुले बताएका छन् ।

एक वरिष्ठ अमेरिकी कानून प्रवर्तन अधिकारीले कार अमेरिकाबाट आउँदै गर्दा भन्सार स्टेशनमा ठोक्किएर कार जलेको बताए ।

कार के कारणले विष्फोट भयो भन्ने अहिले सम्म खुल्न नसकेको मिडिया रिपोर्टमा उल्लेख छ ।