एजेन्सी । इजरायलले गाजामा आफ्नो अपरेशन साउथ सुरु गर्न लागेको छ। यसलाई गाजामा विनाशको राउन्ड २ पनि भन्न सकिन्छ।
यसका लागि इजरायलले पहिलो कदम चालेको मिडिया रिपोर्टमा उल्लेख छ ।
इजरायलले दक्षिण गाजाका ४ सहरमा पर्चा खसालेको छ । ती पर्चामा पढेपछि दक्षिण गाजाका जनता डराएको बताइएको छ । जसमा इजरायलले दक्षिण गाजालाई तुरुन्तै खाली गर्न र मृत्युको जिम्मेवारी नलिने चेतावनी दिएको छ ।
इजरायलले दक्षिणी गाजामा जुनसुकै बेला ठूलो हवाई आक्रमण गर्न सक्ने दाबी गरेको छ ।
योजना अनुसार पहिले हवाई आक्रमणबाट सुरु गर्ने र त्यसपछि ग्राउन्ड अपरेशन गर्ने बताइएको छ ।
इजरायलले उत्तर गाजाका मानिसहरूलाई दक्षिण गाजामा सर्न आग्रह गरेको थियो तर अब दक्षिणमा पनि आक्रमण गर्ने भएपछि ठुलो सन्त्रासको वातावरण भएको बताइएको छ।
