एजेन्सी । गाजाको अल शिफा अस्पतालमा ठूलो घटना भएको छ। आईसीयूमा भर्ना भएका सबै बिरामीको इजरायली आक्रमणमा मृत्यु भएको छ ।
अस्पतालका निर्देशक मोहम्मद अबु सल्मियाले यो जानकारी दिएका छन् ।
उनले इजरायली आक्रमणमा एकै रातमा २२ जना बिरामीको मृत्यु भएको बताएका छन् ।
तीन दिनभित्र अल शिफा अस्पतालमा ५५ जनाको ज्यान गएको सलमियाले बताए ।
सात हजारभन्दा बढी मानिस अझै अस्पतालमा अलपत्र परेका छन् ।
यसमा बिरामीहरू, मेडिकल स्टाफ कर्मचारीहरू र आश्रय गृहमा बस्ने मानिसहरू समावेश छन्।
इजरायली सेनाले गाजाको अल शिफा अस्पताललाई लगातार निशाना बनाएको छ ।
आईडीएफले अल शिफा अस्पताल मुनि सुरुङ रहेको दाबी गरेको छ ।
अल शिफा गाजाको सबैभन्दा ठूलो अस्पताल हो। इजरायली सैनिकहरूले उक्त अस्पतालमा केही घण्टादेखि कारबाही गरेका छन्। आइडिएफले अल शिफा अस्पताल हमासको मुख्यालय भएको बताएको छ।
