भारतका चर्चित रेसलर ग्रेट खली दोस्रो पटक बाबु बने

एजेन्सी । भारतका चर्चित रेसलर दलीप सिंह राना उर्फ ​​द ग्रेट खलीले आज एक भिडियो शेयर गर्दै फ्यानका लागि खुसीको खबर दिएका छन् ।

उनले आफू फेरि बाबु बनेको बताएका छन् । उनको एउटा भिडियो सार्वजनिक गर्दै उक्त जानकारी दिएका हुन् ।

भिडियोमा उनी आफ्नो नवजात छोरालाई काखमा राखेर निकै भावुक देखिएका छन् ।

खलीको घरमा छोराको जन्म भएको छ । खली हाल आफ्नी पत्नी हरपिंदर कौरसँग अमेरिकामा छन् ।

अमेरिकाको प्रसूति गृहमा छोराको जन्म भएपछि खलीले सामाजिक सञ्जालमा यसबारे जानकारी दिएका हुन् ।

खलीले छोरालाई अमूल्य हीरा भन्दै खुशी व्यक्त गरेका छन् ।