एजेन्सी । इजरायली सेनाको गाजामा हमास आतंककारीहरूविरुद्धको अभियान अन्तिम चरणमा पुगेको छ। गाजामा हालसम्म ११ हजारभन्दा बढी मानिस मारिएका छन् । अरब र इस्लामिक देशहरूले गाजामा इजरायलसँग तत्काल युद्धविरामको माग गर्दै आएका छन्।
तर इजरायल डिफेन्स फोर्स (आईडीएफ) ले हमासको पूर्ण विनाश नभएसम्म युद्ध नरोक्ने वाचा गरेको छ।
यसैबीच इजरायली सेनाले इस्लामिक जिहादको उत्तरी कमाण्डलाई नियन्त्रणमा लिएको छ ।
यो हमास र इस्लामिक जिहादका आतंककारीहरूका लागि ठूलो प्रहार हो।
इजरायली सेनाले उत्तरी कमाण्ड कब्जा गर्नुका साथै खतरनाक हतियारको ठूलो भण्डार पनि बरामद गरेको मिडिया रिपोर्टमा उल्लेख छ।
इजरायली सेनाहरूले खुफिया जानकारीको आधारमा भारी रकेट र थप हतियारहरू पत्ता लगाएका छन्।
इजरायली सेनाले ट्वीटरमा एक पोस्टमा भनेको छ, हामीले इस्लामिक जिहादको उत्तरी कमाण्डको गढ कब्जा गरेका छौँ।
आइडीएफले अब हमासको गढमा पनि आक्रमण गरेको जनाएको छ जहाँबाट युद्ध सामग्री भेटिएको छ। यसको तस्विर सामाजिक सञ्जाल एक्समा शेयर गरिएको छ ।
