एजेन्सी । रुस र युक्रेनबीच पछिल्लो २१ महिनादेखि चलिरहेको युद्धको सबैभन्दा विनाशकारी चरण सुरु हुनसक्ने मिडिया रिपोर्टमा उल्लेख छ ।
युक्रेनले युद्धको प्रारम्भिक चरणमा रुसले कब्जा गरेको क्षेत्र आफ्नो कब्जामा लिएको दाबी गरेको छ ।
अहिले क्रेमलिनमा रुसी सैनिकलाई उक्त क्षेत्रबाट निष्कासन गरेको भन्दै हंगामा मच्चिएको छ ।
रुसले जवाफी हमला गर्नुअघि नै युक्रेनले क्रिमिया कब्जा गर्न अघि बढेको बताइएको छ ।
यदि युक्रेनले क्रिमियामा आक्रमण गर्छ भने, पुटिनले नेटोसँग बदला लिने बताइएको छ । युक्रेनले नेटोको उक्साहटमा अगाडि बढिरहेको बताइएको छ ।
नेटो देशहरूमा आक्रमणको प्रत्यक्ष अर्थ विश्व युद्धको उक्साहट भएको बताइएको छ।
रुसले आफ्नो नियन्त्रणमा लिएको क्षेत्रलाई जनमत संग्रह गराएर कब्जा गरेको थियो ।
रुसले युक्रेनको खेरसन, डोनेस्क, लुहान्स्क र जापोरिजियामा जनमत संग्रह गराएर झण्डा फहराएर कब्जा गरेको थियो ।
यी ठाउँहरूमा रुस समर्थित मेयरहरू पनि नियुक्त भएका थिए, तर खेरसनमा युक्रेनले फेरि कब्जा गरेको दाबी गरेको छ। यति मात्र होइन, युक्रेनका सिपाहीहरू क्रिमियातर्फ अघि बढेका छन् । युक्रेन निकै आक्रामक रुपमा अगाडि बढेको बताइएको छ। यस कारणले गर्दा रूसी सेनाहरू खेरसनबाट पनि पछि हट्नुपरेको थियो ।
अब रसियाले फेरि खेरसनका लागि नयाँ रणनीति बनाउनुपर्ने अवस्था आएको बताइएको छ । अहिले खतरा क्रिमियातर्फ छ । रुसले क्रिमियालाई अभेद्य किल्लामा परिणत गरेको छ ।
युक्रेनको दाबी निराधार नभएको मिडिया रिपोर्टमा उल्लेख छ । केही भिडियोहरू बाहिर आएका छन् जसले युक्रेनी सेनाहरू क्रिमियातर्फ द्रुत गतिमा अघि बढिरहेको पुष्टि गरेको बताइएको छ।
रुसले पनि खेरसनबाट धेरै सेना फिर्ता गरेको थियो जसको फाइदा युक्रेनले उठाएको हो ।
युक्रेनलाई कम मूल्याङ्कन गर्नु रुसका लागि ठूलो गल्ती साबित भयो। अब रुस सोच्न बाध्य छ कि पहिले खेरसनको नियन्त्रण फिर्ता लिने वा क्रिमियालाई बचाउने।
