एजेन्सी । भारतको उत्तराखण्डमा पाँच दिनभन्दा बढी समयदेखि सुरुङमा फसेका मजदुरको उद्धार कार्यले गति लिएको मिडिया रिपोर्टमा उल्लेख छ ।
सिल्क्यरा सुरुङमा रहेको नयाँ र शक्तिशाली औगर मेसिन शुक्रबार बिहानसम्म २१ मिटर भित्र पसेपछि भित्र फसेका ४० जना कामदार छिट्टै बाहिर आउने आशा जगाएको समाचारमा जनाइएको छ ।
सिल्कारास्थित उत्तरकाशी जिल्ला आपत्कालीन कार्य सञ्चालन केन्द्रबाट प्राप्त जानकारी अनुसार सुरुङमा जम्मा भएको भग्नावशेषमा बिहान ६ बजेसम्म २१ मिटरसम्म ‘ड्रिलिंग’ गरिएको छ ।
सुरुङ खन्ने काममा ४५ देखि ६० मिटर फोहोर जम्मा भएको छ । भग्नावशेषमा ड्रिलिङ मार्फत बाटो बनाएर ८०० एमएम र ९०० एमएम व्यासका धेरै ठूला पाइपहरू एकपछि अर्को गरी भग्नावशेषको एक छेउबाट वैकल्पिक सुरुङ बनाइनेछ।
सानो औगर मेसिन असफल भएपछि २५ टन तौलको ठूलो, अत्याधुनिक र शक्तिशाली अमेरिकी औगर मेसिनलाई भारतीय वायुसेनाको सी–१३० हर्कुलस विमानमार्फत दुई भागमा दिल्लीबाट उत्तरकाशी पु¥याइएको थियो । जसको बिहीबारबाट पुनः उत्खनन सुरु भएको छ । सुरुङमा फसेका मजदुरहरूलाई खाना र पेय पदार्थहरू निरन्तर उपलब्ध गराइने अधिकारीहरूले बताएका छन्।
