जयशंकरले लन्डनमा ट्रुडोलाई दिए कडा जवाफ: क्यानडाले अहिलेसम्म भारतलाई प्रमाण दिएको छैन

एजेन्सी । क्यानडामा एक खालिस्तानी पृथकतावादीको हत्याको सन्दर्भमा विदेशमन्त्री एस जयशंकरले बुधबार भारतले कुनै पनि अनुसन्धान गर्न अस्वीकार नगरेको बताएका छन् ।

यससँगै उनले खलिस्तानी पृथकतावादीको हत्यामा भारतीय सरकारी एजेन्टको संलग्नता रहेको क्यानडाको आरोपमा प्रमाण उपलब्ध गराउन आग्रह गरेका छन् ।

जयशंकरले पत्रकार लियोनेल बार्बरसँग एक कार्यक्रममा प्रश्नको जवाफ दिँदै यस्तो टिप्पणी गरेका हुन्।

बेलायतको पाँचदिने औपचारिक भ्रमणमा आएका एस जयशंकरले एक प्रश्नको जवाफ दिँदै भने, ‘यदि तपाईसँग यस्तो आरोप लगाउनुको कुनै कारण छ भने प्रमाण साझा गर्नुहोस् किनभने हामीले अनुसन्धानलाई अस्वीकार गर्दैनौं ।’

उनले जोड दिए कि क्यानडाले आफ्नो आरोपलाई पुष्टि गर्न भारतसँग कुनै प्रमाण साझा गरेको छैन।