एजेन्सी । आतंकवादी संगठन हमासले तीन दिने युद्धविराम र कैदीहरूको रिहाइको बदलामा ५० जना बन्धकहरूलाई रिहा गर्न कतारको मध्यस्थतामा भएको सम्झौतामा सहमत भएको छ।
यसबारे जानकारी दिँदै एक अधिकारीले समाचार एजेन्सी ‘रोयटर्स’लाई भने कि कतार र अमेरिकाको पहलमा बुधबार हमास र इजरायलबीच भएको सम्झौताअनुसार इजरायलले इजरायली जेलमा रहेका केही प्यालेस्टिनी महिला र बालबालिकालाई रिहा गर्नेछ।
यसले गाजामा मानवीय सहायताको मात्रा पनि बढाउनेछ। तीन दिनको युद्धविरामको अवधिमा गाजाबाट ५० बन्धकहरूलाई रिहा गरिने मिडिया रिपोर्टमा उल्लेख छ।
प्यालेस्टिनी आतंककारी समूह हमासले इजरायलमा अक्टोबर ७ मा गरेको हमला र हमास कमाण्डोले बन्धक बनाएपछि हमासद्वारा बन्धक रिहाइको यो सबैभन्दा ठूलो संख्या हो।
यद्यपी इजरायलले यस विषयमा अहिलेसम्म कुनै प्रतिक्रिया दिएको छैन ।
अधिकारीका अनुसार इजरायल अझै यस सम्बन्धमा थप वार्ताको पक्षमा छ। यो सम्झौता अन्तर्गत इजरायलले आफ्नो जेलबाट कति प्यालेस्टिनी महिला र बालबालिकालाई रिहा गर्नेछन् भन्ने अझै थाहा छैन।
