एजेन्सी । क्यानडाका प्रधानमन्त्री जस्टिन ट्रुडोले खलिस्तानी आतंकवादी हरदीप सिंह निज्जरको हत्याको सम्बन्धमा भारतविरुद्धको आरोप फेरि दोहोर्याएका छन् ।
भारत क्यानडा विवादमा क्यानडाका प्रधानमन्त्रीले भने, ‘हामी यो गम्भीर विषयमा भारतसँग रचनात्मक काम गर्न चाहन्छौं भन्ने कुरामा प्रष्ट भइसकेका छौं। हामीले सुरुदेखि नै वास्तविक आरोपहरू साझा गरेका छौं, जसको गहिराइमा अनुसन्धान गर्नेछौं। हामी चिन्तित छौं। हामीले भारत सरकार र विश्वभरका साझेदारहरूसँग यस कुराको गम्भिरताका साथ जानका लागि सम्पर्क गर्यौं। त्यसकारण भारतले भियना महासन्धिको उल्लङ्घन गरेको र नयाँ दिल्लीमा रहेका ४० भन्दा बढी क्यानाडाली कूटनीतिज्ञहरूको कूटनीतिक उन्मुक्ति स्वेच्छाचारी रूपमा खारेज गर्दा हामी गहिरो निराश भयौं’।
ट्रुडोले भने, ‘हामीसँग विश्वास गर्ने गम्भीर कारणहरू छन् । क्यानाडाली भूमिमा क्यानाडाली नागरिकको हत्यामा भारत सरकारका एजेन्टहरू संलग्न हुन सक्छन्। यसका बाबजुद भारतले भियना महासन्धिको उल्लङ्घन गर्दै क्यानाडाली कूटनीतिज्ञहरूको सम्पूर्ण समूहलाई निष्कासन गरेर प्रतिक्रिया दिएको थियो।’
क्यानडाका प्रधानमन्त्रीले यी विवादका बाबजुद भारतसँग मिलेर काम गर्न चाहेको बताए ।
