एजेन्सी । हरदीप सिंह निज्जरको हत्यालाई लिएर भारत र क्यानडाबीच तनाव उत्कर्षमा पुगेको छ ।
यसैबीच क्यानडामा हरप्रीत सिंहलाई अज्ञात आक्रमणकारीले गोली हानेर हत्या गरेका छन् ।
यसले क्यानडामा हंगामा मच्चाएको छ ।
क्यानडा प्रहरीले घटनाको अनुसन्धान गरिरहेको छ ।
आक्रमणकारीहरूले हरप्रीत सिंहसँगै उनका छोरालाई पनि गोली हानेका थिए।
घटनामा उनको पनि मृत्यु भएको छ ।
यो घटना क्यानडाको एडमन्टनको हो ।
क्यानडामा बढ्दो गिरोह हिंसामा मारिएका हरप्रीत सिंह भारतीय मूलका सिख थिए। उनका ११ वर्षीय छोराको पनि यस क्रममा मृत्यु भएको छ ।
मिडिया रिपोर्टका अनुसार गोली चलाउनेहरूले कारमा (उप्पलको) छोरा रहेको थाहा पाएपछि उनीहरूले जानाजानी गोली हानेका थिए ।
एडमन्टन जर्नलले डर्कसेनलाई उद्धृत गर्दै उक्त कुरा मिडिया रिपोर्टमा उल्लेख छ ।
प्रहरीले उप्पलका छोराको नाम भने सार्वजनिक गरेको छैन । यस प्रकरणमा अहिलेसम्म कोही पक्राउ परेका छैनन् ।
‘सीबीसी न्यूज’ को समाचार अनुसार उप्पलमाथि कोकिन ओसारपसार र तस्करीलगायतका धेरै आरोप लागेको थियो । यस मुद्दाको सुनुवाई अप्रिल २०२४ मा सुरु हुने तय थियो ।
