एजेन्सी । चीनले तिब्बतका आध्यात्मिक नेता दलाई लामाको उत्तराधिकारी को हुने भन्नेबारे देश भित्रैबाट निर्णय हुनुपर्ने र यसका लागि अनुमति लिनुपर्ने बताएको छ ।
दलाई लामा अहिले ८८ वर्षका भए ।
चीनले रणनीतिक रूपमा महत्त्वपूर्ण तिब्बत क्षेत्रलाई दक्षिण एसियाको प्रवेशद्वारको रूपमा वर्णन गर्दै भारतीय सीमा नजिकैको पूर्वाधार विकासलाई हाइलाइट गरेको छ।
चीन सरकारले आफ्नो श्वेतपत्रमा दलाई लामा र पञ्चेन रिन्पोछेलगायत तिब्बतमा बसोबास गर्ने सबै अवतारी बुद्धले देशभित्रै आफ्नो उत्तराधिकारी खोज्नुपर्ने बताएको छ ।
बेइजिङले दलाई लामाको उत्तराधिकारीलाई आफ्नो स्वीकृति आवश्यक पर्ने कुरामा जोड दिएको छ।
यसैबीच विश्लेषकहरूले अहिलेको पञ्चेन लामालाई तिब्बतमा व्यापक रूपमा स्वीकार नगरेकाले यो चिन्ताको विषय रहेको बताएका छन् ।
उनी नम्बर २ आध्यात्मिक नेता हुन् जसलाई चीनले दलाई लामाले मनोनित गरेको बालकलाई हटाएपछि नियुक्त गरेको थियो।
