एजेन्सी । इजरायल-हमास युद्ध क्षेत्रीय विवाद बन्ने खतरा निरन्तर छ। पछिल्ला केही दिनमा अमेरिकी सैन्य आधार शिविरमा दर्जनौं आक्रमण भएका छन् । यसैबीच, अमेरिकाले पूर्वी सिरियामा इरान समर्थित मिलिसियासँग जोडिएको आधार शिविरमा हवाई आक्रमण गरेको छ ।
इरानी सेनाले रिभोलुसनरी गार्डसँग सम्बन्धित स्थानहरूमा पनि बमबारी गरेको छ।
अमेरिकी वायुसेनाले दुई एफ १५ लडाकु विमानबाट आक्रमण गरेको थियो।
विगत केही हप्तादेखि यस क्षेत्रमा अमेरिकी सैन्य अखडाहरूमा बढ्दो आक्रमणको प्रतिक्रियास्वरूप यी आक्रमणहरू गरिएको हो।
अमेरिकी अधिकारीहरूले अक्टोबर १७ यता कम्तीमा ४० वटा यस्ता हमला भएको बताएका छन्। दुई हप्तामा अमेरिकाले इरान समर्थित सशस्त्र समूहहरूले प्रयोग गर्ने लक्ष्यहरूमा आक्रमण गरेको यो दोस्रो पटक हो। इजरायल–हमास युद्धको बीचमा सिरिया–इराकमा रहेको अमेरिकी सैन्य आधार शिविरमा रकेट र मिसाइल आक्रमण भएको देखिएको छ ।
यी आक्रमणमा दर्जनौं अमेरिकी सेनाका सैनिक पनि घाइते भएका छन् । अहिलेसम्मको आक्रमणमा ४५ सैनिक घाइते भएको पेन्टागनले जनाएको छ ।
