एजेन्सी । इजरायल–हमास युद्धका बीच हमासको समर्थनमा विश्वका धेरै देशमा विरोध प्रदर्शन भइरहेका छन् । तर रुसमा भने इजरायलीहरुमाथि आक्रमण भएको छ ।
रुसको दागेस्तान राज्यको मखाचकाला एयरपोर्टमा एक भीडले इजरायलीहरूलाई हमला गरेको मिडिया रिपोर्टमा उल्लेख छ ।
इजरायलको राजधानी तेलअभिभबाट विमान आउँदै गरेको सूचना पाएलगत्तै प्रदर्शनकारीले विमानलाई धावनमार्गमा घेरा हालेका थिए ।
हजारौं मुस्लिम विमानस्थलको गेट तोडेर भित्र पसेका थिए । स्थिति यति बिग्रियो थियो कि दंगालाई रोक्न विशेष बल बोलाउनु परेको मिडिया रिपोर्टमा उल्लेख छ ।
भीडले प्यालेस्टाइनको झण्डा बोकेर ‘बालबालिका हत्यारालाई छोड्ने छैनौं’ जस्ता नारा लगाएका थिए । विमानका यात्रुहरूमध्ये भीडले यहूदीहरूलाई खोज्न थालेको बताइएको छ।
भीडले प्रत्येक यात्रुको राहदानी जाँच गरेको बताइएको छ ।
उक्त विरोधपछि विमानस्थल केही समय बन्द गर्नुपरेको मिडिया रिपोर्टमा उल्लेख छ ।
रुसमा हमासको बैठक बसेको तीन दिनपछि इजरायलविरुद्धको यो सबैभन्दा ठूलो प्रदर्शन थियो। रुसको दागेस्तानमा मुस्लिम समुदायको बाहुल्य छ ।
