एजेन्सी । अमेरिकाका पूर्व उपराष्ट्रपति माइक पेन्सले सन् २०२४ को राष्ट्रपतीय निर्वाचनबाट आफ्नो नाम फिर्ता लिएका छन् ।
पेन्सले यो कुरामा आफूलाई कुनै पछुतो नभएको बताए ।
आर्थिक चुनौती र त्यति लोकप्रियता पाउन नसकेकाले उनले यो घोषणा गरेका हुन् ।
राष्ट्रपतिको दौडबाट आफ्नो नाम फिर्ता लिएपछि पेन्सले भनेका छन्, ‘मैले राम्ररी सोचेर यो निर्णय लिएको हुँ ।’
पेन्सले भने, ‘हामीलाई पहिले नै थाहा थियो कि यो कडा लडाई हुनेछ, तर मलाई यसको लागि कुनै पछुतो छैन।’
उनले भने, ‘म यो अभियान छोड्दैछु, तर म तपाईंलाई वचन दिन्छु, म रूढीवादी मूल्यहरूको लागि लडाई कहिल्यै छोड्ने छैन।’
पूर्व उपराष्ट्रपति माइक पेन्सले ट्रम्पलाई चुनौती दिन लागेका थिए । राष्ट्रपति निर्वाचनको प्रचारप्रसार सुरु गर्दा उनले राम्रा दिन ल्याउने बताएका थिए ।
