एजेन्सी । इजरायल र हमासबीच जारी युद्ध पछिल्लो समय झन् विनाशकारी बन्दै गएको छ । विगत २० दिनदेखि जारी यो युद्धमा हालसम्म ६५०० भन्दा बढी मानिसको मृत्यु भएको बताइएको छ ।
हजारौं मानिस घाइते भएका छन् ।
यस युद्धमा हमास लडाकुले सयौं मानिसलाई बन्धक समेत बनाएका छन् ।
अब हमास उनीहरुलाई रिहा गर्न तयार भएको बताइएको छ ।
इरानी मन्त्रीसँग रुस पुगेको हमास प्रतिनिधिमण्डलले यस्तो घोषणा गरेको हो ।
तर, हमासले यी बन्धकहरूलाई इजरायललाई नभई इरानलाई हस्तान्तरण गर्ने तयारी गरेको मिडिया रिपोर्टमा उल्लेख छ।
बिहीबार हमासको प्रतिनिधिमण्डल इरानका विदेशमन्त्रीसहित रुस पुगेको थियो । रुसी विदेश मन्त्रालयको मस्कोमा पुटिनका विशेष दूत मिखाइल बोगदानोभसँग भेटवार्ता भएको थियो ।
यस मुद्दाको मुख्य एजेन्डा गाजा पट्टीमा इजरायलले निरन्तर आक्रमण रोक्नु थियो।
बैठकपछि इरानी विदेशमन्त्रीले युद्धका क्रममा बन्धक बनाएका सैनिक र सर्वसाधारणलाई रिहा गरी इरानलाई सुम्पन हमास तयार रहेको बताए ।
