ब्रसेल्समा भएको आतंकवादी हमलामा दुई स्विडेनी समर्थकको मृत्यु भएपछि बेल्जियमका न्यायमन्त्रीले राजीनामा दिए

एजेन्सी । ब्रसेल्समा दुई स्वीडेनका फुटबल प्रशंसकको हत्या भएको चार दिनपछि बेल्जियमका न्यायमन्त्री भिन्सेन्ट भान क्विकनबोर्नले राजीनामाको घोषणा गरेका छन् ।

उनले उक्त घटनापछि आफुसँग भन्नु केही नभएको बताए । नैतिकताका आधारमा राजीनामा दिनु आफ्नो कर्तव्य भएको उनले बताए ।

हालै बेल्जियमको राजधानी ब्रसेल्समा दुईजना स्विडेनी फ्यानको गोली हानी हत्या गरिएको थियो ।

यो घटना बेल्जियम र स्वीडेनबीचको फुटबल खेलअघि भएको हो । यस घटनाको केही घण्टापछि प्रहरीले खोजी अभियान चलाएको थियो। यसै क्रममा प्रहरीले ४५ वर्षीय ट्युनिसियाली चरमपन्थीलाई क्याफेमा हत्या गरेको आशंकामा गोली हानेको थियो । आक्रमणकारी इस्लामिक स्टेटको समर्थक रहेको बताइएको छ ।