एजेन्सी । विगत ११ दिनदेखि इजरायल र हमासबीच जारी युद्ध अहिले आक्रामक बन्दै गएको छ । मध्य गाजाको अल अहली अस्पतालमा मङ्गलबार राति भएको आक्रमणमा ५०० जनाको ज्यान गएको छ ।
इजरायल र हमासले हमलाको लागि एकअर्कालाई दोष दिइरहेका छन्। दुई देशबीच जारी युद्धको बीचमा अमेरिकी राष्ट्रपति जो बाइडेनले इजरायल पुगेर अमेरिका पूर्ण शक्तिका साथ इजरायलको साथमा रहेको बताएका छन् ।
हमासलाई जरैदेखि उखेल्न यो युद्धमा इजरायलको पूर्ण साथमा रहेको अमेरिकाले स्पष्ट पारेको छ । यस अवधिमा वेस्ट बैंकमा बसोबास गर्ने लाखौं प्यालेस्टिनीहरूलाई मद्दत गर्न १० करोड डलरको राहत प्याकेज घोषणा गरिएको छ।
इजरायल भ्रमणका क्रममा अमेरिकी राष्ट्रपतिले हमासलाई सहयोग गर्न तयार रहेका विश्वका राष्ट्रहरूलाई पनि चेतावनी दिए ।
उनले हमास आतंकवादीलाई सहयोग गर्ने कुनै पनि देशले गम्भीर परिणाम भोग्नुपर्ने बताए।
उनले भने, ‘हाम्रो उद्देश्य हमासलाई पूर्ण रूपमा हटाउनु हो। यो युद्धमा अमेरिका पूर्ण शक्तिका साथ इजरायलको साथमा उभिएको छ ।’
