उत्तर कोरियाको जासूस उपग्रह समुद्रमा खस्यो

एजेन्सी । उत्तर कोरियाले सैन्य जासुसी उपग्रह प्रक्षेपण गरेर छिमेकी मुलुक दक्षिण कोरिया र जापानमा तनाव बढाउने प्रयास हालसम्म असफल भएको छ ।

उत्तर कोरियाले जासुसी उपग्रह प्रक्षेपण गर्ने पहिलो प्रयास असफल भएको पुष्टि गरेको छ ।

देशको सरकारी मिडियाले एक विज्ञप्तिमा भनेको छ,‘उत्तर कोरियाली जासूस उपग्रह बोकेको रकेटले पहिलो र दोस्रो चरण अलग गरेपछि गति गुमाएको थियो र कोरियाली प्रायद्वीपको पश्चिमी तटबाट समुद्रमा खसेको थियो।’

उत्तर कोरियाका शासक किम जोङ उन पनि अचम्ममा परेका छन् ।

उत्तर कोरियाले हाल आफ्नो जासुसी उपग्रह शत्रुले खसालेको हो वा प्राविधिक गडबडीका कारण असफल भएको पत्ता लगाउने प्रयास गरिरहेको मिडिया रिपोर्टमा उल्लेख छ ।