एजेन्सी । इजरायल र हमासबीचको रक्तपातपूर्ण युद्धमा हरेक दिन सयौं मानिस मरिरहेका छन् । इजरायल र हमासको तीव्र आक्रमणका बीच विश्वको सबैभन्दा शक्तिशाली राष्ट्र अमेरिकी राष्ट्रपति जो बाइडेन भोलि इजरायलको भ्रमण गर्दैछन् ।
अमेरिकी विदेशमन्त्री एन्टोनी ब्लिन्केनले नै यो जानकारी दिएका छन् ।
ब्लिन्केनले राष्ट्रपति बाइडेनले विश्वका लागि अत्यन्तै महत्त्वपूर्ण क्षणमा इजरायल भ्रमण गर्न लागेको बताए ।
बाइडेन इजरायल आउने र अमेरिकाको ऐक्यबद्धता पुनः पुष्टि गर्ने उनले बताए ।।
इजरायल भ्रमण गरेका एन्टोनी ब्लिन्केनले आफ्ना जनतालाई हमास र अन्य आतंकवादीहरूबाट जोगाउनु र भविष्यमा हुने आक्रमणहरू रोक्नु इजरायलको अधिकार भएको बताए।
बाइडेनले इजरायल हमास युद्धको फाइदा उठाउन खोज्नेहरूलाई स्पष्ट सन्देश दिने उनले बताए । ब्लिन्केनले इजरायल र अमेरिका गाजाका नागरिकहरूलाई मानवीय सहायता पुर्याउन सक्षम रहेको समेत बताए ।
