एजेन्सी । इजरायल र हमास युद्ध भएको आठ दिन बितिसकेको छ । गएको शनिबार आतंकवादी संगठन हमासले इजरायलको सीमामा प्रवेश गरी नरसंहार गरेको थियो ।
हमासले बालबालिका, वृद्धवृद्धा र महिलालाई समेत नछोडेको मिडिया रिपोर्टमा उल्लेख छ ।
जो उनीहरुको अगाडि आउँछन्, उनीहरुको निर्मम हत्या गरेको बताइएको छ ।
हमासका आतंककारीहरूको क्रूरताका डरलाग्दो घटना बाहिर आइरहेका छन्।
ती मध्ये, आतंकवादीहरूले भीषण नरसंहार गरेको संगीत महोत्सवको भिडियो पनि बाहिर आएको छ।
इजरायली रक्षा बलले सोशल मिडिया प्लेटफर्म एउटा भिडियो पोस्ट गरेको छ। उक्त भिडियोमा केही आतंककारीहरूले संगीत महोत्सव परिसरमा राखिएको बाथरूममा गोली प्रहार गरिरहेको देखाइएको छ।
आतंकवादी हमलाबाट बच्न यीमध्ये धेरै मानिस लुकेर बसेको बताइएको छ । तर, उनीहरुलाई आतंकवादीहरूले निर्मम हत्या गरेको मिडिया रिपोर्टमा उल्लेख छ ।
उक्त संगीत महोत्सवमा भएको आतंकवादी हमलामा २६० जनाको ज्यान गएको थियो भने त्यहाँबाट धेरै मानिसहरुको अपहरण भएको थियो ।
हजारौं मानिसहरू गाजा नजिकैको किबुट्ज रिम नजिक पार्टीमा उपस्थित थिए । प्यालेस्टिनी बन्दुकधारीहरूले घटनास्थलमा आक्रमण गरी उनीहरुको हत्या गरेका थिए ।
