एजेन्सी । युक्रेन युद्धमा उत्तर कोरियामा निर्मित हतियार प्रयोग हुने भएको मिडिया रिपोर्टमा उल्लेख छ । अमेरिकाको बारम्बार चेतावनीका बाबजुद उत्तर कोरियाले रुसलाई हतियार आपूर्ति गर्न थालेको छ ।
किम जोङ उनले राष्ट्रपति जो बाइडेनको हरेक चेतावनीलाई बेवास्ता गर्दै रुसलाई थप घातक हतियार दिन थालेको हो। दु
वै नेताबीच हालै भेटवार्ता भएको थियो ।
दुवै नेताले एकअर्कालाई पत्र लेख्दा नै यो निर्णय भइसकेको थियो । रुससँग उत्तर कोरियाको एकता अमेरिकाका लागि ठूलो टाउको दुखाइ बन्न सक्छ ।
उत्तर कोरियाले रुसलाई आपूर्ति गरिरहेको हतियार छिट्टै युद्धक्षेत्रमा पठाइनेछ ।
धेरै मोर्चामा हतियारको अभाव झेलिरहेको रुसी सेनाले चाँडै नै धेरै घातक हतियार पाउने भएको छ ।
विदेशी मिडियाका अनुसार किमको हतियारको पहिलो खेप रुस पुगेको छ । अ
मेरिकी सञ्चारमाध्यमले उत्तर कोरियाबाट हतियार लिनुको अर्थ पुटिन हताश भएको स्पष्ट भएको बताएको छ ।
भ्लादिमिर पुटिनले कथित रुपमा किम उनलाई पत्र लेखेर युक्रेन युद्धमा सहयोग गर्न अपिल गरेका थिए ।
किम पनि यसमा सहमत भएका थिए ।
उत्तर कोरियाले युक्रेनमा प्रयोगका लागि क्रेमलिनसँग संलग्न निजी सेना वाग्नर समूहलाई रकेट र मिसाइललगायत हतियार आपूर्ति गरेको अमेरिकाले आरोप लगाएको छ, जुन आरोप रुस र उत्तर कोरियाले अस्वीकार गरेका छन्।
उत्तर कोरियासँग पुरानो आर्टिलरी उपकरण र रकेटहरूको ठूलो भण्डार रहेको दाबी गर्दै आइरहेको छ ।
