एजेन्सी । भारतको मणिपुरको राजधानी इम्फालमा लगातार हिंसात्मक प्रदर्शन भइरहेका छन् । यसैबीच, केन्द्रीय गृहमन्त्री अमित शाहले मुख्यमन्त्री एन वीरेन सिंहलाई दुई युवाको हत्यामा संलग्नलाई कारबाही गर्ने आश्वासन दिएका छन्।
मणिपुरमा अपस्फाअर्को छ महिनाको लागि विस्तार गरिएको छ।
तर, उपत्यकाका १९ प्रहरी चौकीलाई यो कानूनको दायराभन्दा बाहिर राखिएको छ ।
पूर्व र पश्चिम इम्फाल जिल्लामा फेरि कर्फ्यू लगाइएको छ।
पछिल्लो दुई दिनमा यी प्रदर्शनमा ६५ प्रदर्शनकारी घाइते भएका छन् ।
हत्याको अनुसन्धानमा सहयोग गर्न सीबीआईको टोली मणिपुर पुगेको छ । मुख्यमन्त्री वीरेनले यस विषयमा केन्द्र र प्रदेश सरकार निकै गम्भीर रहेको बताए । केन्द्रीय गृहमन्त्री अमित शाहले फोन गरेर यस विषयमा छानबिन गर्न सीबीआई टोली पठाउने बताए।
सीबीआईले इम्फाल पुगेर अनुसन्धान थालेको मुख्यमन्त्री वीरेनले बताए । तर, यो टोली कहाँ गयो भन्ने खुलाइएको छैन । गत जुलाई ६ मा दुई युवा बेपत्ता भएपछि विवाद सुरु भएको थियो र अगस्ट २८ मा सीबीआईलाई सुम्पिएको थियो ।
