एजेन्सी । संयुक्त राष्ट्रसंघका लागि इरानका राजदूत अमिर सईद इरावानीले इजरायलले आफ्नो विरुद्धमा कुनै पनि धम्की वा गैरकानुनी कार्य गरेमा आफ्नो देशले निर्णायक जवाफ दिने चेतावनी दिएका छन्।
इरावानीले इजरायली खुफिया एजेन्सी मोसादका प्रमुख डेभिड बर्नियाले शुक्रबार संयुक्त राष्ट्रका महासचिव एन्टोनियो गुटेरेस र यूएनएससीका अध्यक्ष फेरित होक्सालाई लेखेको पत्रको जवाफ दिएका हुन्।
बर्नियाले हालै इरानमाथि केही गम्भीर आरोप लगाएका थिए । यदि कुनै इजरायली व्यक्तिलाई हानि पुर्याएमा कडा कारबाही गरिने उनले प्रतिक्रिया दिएका थिए।
बर्नियाले भनेका थिए, ‘गत वर्ष इजरायलविरुद्ध २० भन्दा बढी हमला इरानले निर्देशित गरेको थियो। यदि यस्तो आक्रमणमा कुनै इजरायली वा यहूदीलाई हानि पुग्यो भने, इरानीहरू विरुद्ध सैन्य कारबाही गरिनेछ।
इरावानीले बर्नियाको दाबीलाई निराधार भन्दै निन्दा गर्दै यी भडकाऊ बयानहरूले अन्तर्राष्ट्रिय कानून र संयुक्त राष्ट्र संघको बडापत्रको उल्लङ्घन गरेको बताए।
