एजेन्सी । चीनका रक्षामन्त्री ली साङ्फु लामो समयदेखि बेपत्ता छन् । चिनियाँ राष्ट्रपति सी जिनपिङले पनि यस विषयमा मौनता कायम राखेका छन् । अहिले चीनले आफ्ना रक्षामन्त्रीमाथि भ्रष्टाचारको गम्भीर आरोप लगाएको छ र ली साङ्फुविरुद्ध सीपीसीको उच्चस्तरीय छानबिन सुरु भएको समाचार आइरहेको छ ।
यसअघि चीनका विदेशमन्त्री किन ग्याङ पनि केही दिन बेपत्ता थिए र त्यसपछि उनलाई पदबाट हटाइएको थियो ।
अमेरिकी सरकारले चीनका रक्षामन्त्री ली साङफुविरुद्ध अनुसन्धान भइरहेको र उनलाई जुनसुकै बेला पदबाट हटाउने दाबी गरेको छ ।
फाइनान्सियल टाइम्सको रिपोर्टका अनुसार अमेरिकी गुप्तचर विभागले दुई सातादेखि बेपत्ता चीनका रक्षामन्त्री ली साङ्फुलाई रक्षामन्त्रीको पदबाट हटाइएको दाबी गरेको छ ।
चिनियाँ राष्ट्रपति सी चिनफिङले हालै पीएलए रकेट फोर्सका दुई शीर्ष जनरललाई बर्खास्त गरेका बेला ली साङ्फुविरुद्ध कारबाही गरिएको हो।
यी तीनै अधिकारीहरूलाई स्थानीय सेना पीएलएमा धेरै महत्त्वपूर्ण मानिन्थ्यो किनभने उनीहरूलाई चीनको मिसाइल र आणविक हतियार कार्यक्रमहरूको निगरानीको जिम्मेवारी दिइएको थियो।
दुई साताअघि चीनका रक्षामन्त्री ली साङ्फुलाई सार्वजनिक रुपमा देखिएका थिए । त्यसयता उनी कहाँ बेपत्ता छन् भन्ने कसैलाई थाहा छैन ।
उनी आफ्ना मन्त्रालयको काम र बैठकमा पनि जाँदैनन् । जापानका लागि अमेरिकी राजदूत रहम इमानुएलले ली बेपत्ता भएको अनुमानको बीचमा ट्वीट गर्दै भनेका छन् कि चिनियाँ सरकारमा बेरोजगारी दर धेरै उच्च छ। लीको अचानक बेपत्ता हुनु चिनियाँ सैन्य अधिकारीहरूमाथिको क्र्याकडाउनको एक हिस्सा हो।
