एजेन्सी । भारतको केरलामा फेरि निपाह भाइरसको संक्रमण देखिएको छ । मिडिया रिपोर्टका अनुसार बिरामीहरू पहिचान भएका छन् र दुई जना बिरामीको मृत्यु भएको छ।
प्रदेश सरकारदेखि केन्द्र सरकारलाई यसबारे जानकारी दिएको बताइएको छ ।
भाइरस नियन्त्रणका लागि हरसम्भव प्रयास भइरहेको मिडिया रिपोर्टमा उल्लेख छ ।
केन्द्रीय स्वास्थ्य मन्त्रालयले राज्यलाई सहयोग गर्न आफ्नै टोली तयार गरेको छ।
आईसीएमआरले मोबाइल ल्याब पनि बनाएको छ र गाउँ तहमा नै भाइरस पहिचान भइरहेको मिडिया रिपोर्टमा उल्लेख छ।
निपाह भाइरसको पहिचान, क्वारेन्टाइन र बिरामीको सम्पर्कमा आएका व्यक्तिहरूलाई अलग्गै राख्नु यस भाइरसलाई नियन्त्रण गर्न सकिने केही उपायहरू हुन्।
कोरोनाजस्तै मानिसहरू एकअर्काको सम्पर्कमा आएपछि भाइरस फैलिन्छ।
तर, यसको मृत्युदर कोरोनाको २ देखि ३ प्रतिशतको तुलनामा ४० देखि ७० प्रतिशत छ।
खतरालाई ध्यानमा राख्दै शुक्रबार मस्जिदहरूमा शुक्रबारको नमाज पढिएको छैन। एकअर्काको सम्पर्कमा आएकाले भाइरस फैलिने खतरा रहेको बताइएको छ ।
