एजेन्सी । रुसले भारतभन्दा पहिले चन्द्रमामा पुग्ने लक्ष्य राखेको थियो तर त्यसो हुन सकेन । सफ्ट ल्याण्डिङअघि उनको अन्तरिक्ष यान लुना–२५ अगस्ट १९ मा चन्द्रमाको सतहसँग ठोक्किएर दुर्घटनाग्रस्त भएको थियो ।
यसैबीच, अब अमेरिकी अन्तरिक्ष एजेन्सी नासाले रुसको चन्द्रमा मिसन लुना–२५ दुर्घटनाग्रस्त भएको ठाउँ फेला पारेको दाबी गरेको छ ।
अमेरिकी अन्तरिक्ष एजेन्सीले तस्विर सार्वजनिक गर्दै यस्तो दाबी गरेको हो ।
रुसी अन्तरिक्ष एजेन्सी रोस्कोसमोसले अगस्ट २१ मा लुना–२५ दुर्घटना भएको जानकारी दिएको थियो ।
त्यसपछि नासाको एलआरओ क्यामेरा टोली र एलआरओ मिसन अपरेशन टोलीले एलआरओ स्पेसक्राफ्टलाई साइटको तस्बिरहरू खिच्न आदेशहरू पठाएको थियो।
उक्त दुर्घटना अघि र पछिको तस्विरमा फरक रहेको बताइएको छ ।
