एजेन्सी । रुसको वाग्नर ग्रुपका प्रमुख इभजेनी प्रिगोगिनको विमान दुर्घटनामा मृत्यु भएको छ । उक्त विमानमा चालक दलका ३ सदस्यसहित १० जना सवार थिए । वाग्नर समूहले पनि आफ्नो प्रमुखको मृत्युको पुष्टि गर्दै आधिकारिक बयान जारी गरेको छ।
रिपोर्टका अनुसार विमान मस्कोबाट सेन्ट पिटर्सबर्गका लागि उडिरहेको थियो । रुसयुक्रेन युद्धमा वाग्नर आर्मी रुसको तर्फबाट लडिरहेको थियो
तर जुनमा वाग्नर प्रमुखले पुटिनविरुद्ध विद्रोह गरेका थिए ।
यस विद्रोहको दिन रुसी राष्ट्रपति पुटिनले दिएको वक्तव्य वाग्नर प्रमुख प्रिगोगिनको मृत्युपछि चर्चामा छ । जसमा उनले माफ नगर्ने बताएका थिए ।
जब विमान दुर्घटना भयो, पुटिन त्यो बेला के गर्दै थिए ?
जब प्रिगोगिनको विमान दुर्घटना भयो, राष्ट्रपति भ्लादिमिर पुटिन कुर्स्कको युद्धमा संलग्न सैनिकहरूलाई वीरता पुरस्कार दिइरहेका थिए।
प्रिगोजिनको विद्रोहमा पुटिनले भनेका थिए कि हामी कहिल्यै माफ गर्दैनौं। तर, जुनमा प्रिगोजिनले सुरु गरेको विद्रोह २४ घण्टामै सकिएको थियो ।
