एजेन्सी । पाकिस्तानका पूर्वप्रधानमन्त्री इमरान खानलाई तोशाखाना मुद्दामा दोषी ठहर गर्दै तीन वर्षको जेल सजाय सुनाइएको छ । पाकिस्तानी टिभी च्यानल जियो न्यूजले यसबारे जानकारी दिएको हो ।
समाचारका अनुसार जिल्ला सत्र अदालतले पूर्वप्रधानमन्त्री इमरान खानलाई यस मुद्दामा दोषी ठहर गर्दै तीन वर्षको जेल सजाय सुनाएको हो ।
इस्लामाबाद प्रहरीले इमरान खानविरुद्ध पक्राउ पुर्जी जारी गरेको थियो ।
अदालतको फैसला लगत्तै इमरान खान लाहोरस्थित उनको निवासबाट पक्राउ परेको बताइएको छ ।
अदालतले उनलाई यस मुद्दामा भ्रष्ट ठहर गर्दै बेइमान ठहर गरेको छ । अदालतले यो आदेश दिएलगत्तै प्रहरीले लाहोरको जमान पार्कमा रहेको इमरान खानको घर घेरा हालेको थियो ।
उनको घर जाने सबै बाटो अवरुद्ध थियो। तत्कालै प्रहरीले इमरान खानलाई पक्राउ गरी जेल तर्फ कैयौं सवारी साधनको लस्करमा लगेको थियो । इमरान खानलाई लाहोरको लखपत जेलमा लगिएको बताइएको छ ।
