एजेन्सी । पछिल्लो समय निकै सफल मानिएका निर्देशक हुन् एसएस राजामौली । उनले निर्देशन गरेको फिल्म आरआरआरले बक्स अफिसमा धमाकेदार कमाई गर्न सफल भएको थियो ।
अब साउथका अभिनेता राम चरण जुनियर एनटीआर चाँडै आरआर २ को सिक्वेलमा फर्किनेछन् तर यो फिल्मको सुटिङ भने सुरु भएको छैन । किनभने एसएस राजामौली आफ्नो ड्रीम प्रोजेक्ट (महाभारत) पहिले पूरा गर्न चाहन्छन्।
राजामौलीको महेश बाबुसँगको फिल्मपछि उनले छिट्टै महाभारतको प्रोजेक्ट सुरु गर्न सक्नेछन् । र, राजामौलीका लागि महाभारतमा काम गर्ने यो उत्तम समय हुनेछ ।
आदिपुरुष फिल्म फ्लप भएपछि हाल दर्शकहरुको ध्यान ‘महाभारत’तिर गएको छ ।
एसएस राजामौलीका बुबा विजयेन्द्र प्रसादले रामचरण र जुनियर एनटीआरले सिक्वेलमा फेरि महत्वपूर्ण भूमिका खेल्ने बताएका छन्। यसका लागि उनले एसएस राजामौली फर्किने संकेत पनि दिए र राजामौलीले फिल्म निर्देशन नगरी सुपरवाइजरको भूमिका खेल्न सक्ने बताए ।
एसएस राजामौली र महेश बाबु चाँडै सँगै काम गर्न लागेका छन् । एक रिपोर्टका अनुसार फिल्मको छायांकन सन् २०२३ को अन्त्यमा ठूलो स्केल वर्कशपबाट सुरु हुनेछ।
एसएस राजामौलीले विभिन्न विभागका लागि कार्यशाला आयोजना गर्दैछन् जुन ६ महिनासम्म चल्नेछ।
यस फिल्ममा ठूलो मात्रामा भिएफएक्सको प्रयोग हुनेछ ।
