एजेन्सी । ९० को दशककी उत्कृष्ट अभिनेत्री नीतु सिंहले आज आफ्नो ६५ औं जन्मदिन मनाइरहेकी छिन् । आफ्नो अभिनयले फ्यानको मन जित्ने नीतु सिंहले बाल कलाकारको रुपमा आफ्नो अभिनय करियर सुरु गरेकी थिइन् । धेरै ब्लकबस्टर फिल्म दिएकी नीतु सिंह आजसम्म उनको उत्कृष्ट अभिनयको लागि प्रशंसा गरिन्छ।
५० भन्दा बढी चलचित्रमा काम गरिसकेकी नितु सिंहले करिअरको शिखरमा ऋषि कपुरसँग विवाह गरेकी थिइन् ।
तर, नीतु सिंहले विवाहपछि फिल्मबाट टाढा रहिन् र आफ्नो सम्पूर्ण समय परिवारलाई मात्र दिएकी थिइन् ।
तर, अब नीतु सिंहले ‘जुग जुग जियो’ बाट फिल्ममा कमब्याक गरेकी छिन् । नीतु कपूर र ऋषि कपूरको आफ्नो जमानामा जति लोकप्रियता थियो, त्यस्तै छोरा रणवीर कपूरले पनि फ्यानबाट धेरै माया कमाए ।
बलिउडका सबैभन्दा ह्यान्डसम अभिनेता रणबीर कपूरलाई मम्माज ब्वाय भनेर पनि चिनिन्छ । बुबाको मृत्युपछि रणबीर कपुरले आफ्नी आमा नीतु सिंहको हेरचाह गर्दै आइरहेका छन् ।
एक अन्तर्वार्तामा बलिउड अभिनेता रणवीर कपुरले आफ्नी आमा नीतु सिंहको बारेमा एउटा किस्सा सुनाए ।
रणवीर कपूरले सन् १९९६ मा काका राजीव कपूरसँग फिल्म प्रेम ग्रन्थमा असिस्ट गरेका थिए ।
सहायकका रूपमा काम गरेका रणवीर कपूरको पहिलो तलब २५० रुपैयाँ थियो । जुन उनले आफ्नी आमा नीतु कपुरको खुट्टामा राखेका थिए ।
तर, छोराको पहिलो कमाइ देखेर नितु सिंह निकै भावुक भएकी थिइन् ।
