एजेन्सी । लामो प्रतिक्षापछि प्रभासको फिल्म ‘आदिपुरुष’ बक्स अफिसमा रिलिज भएको छ । आदिपुरुषलाई लिएर फ्यानमा ठूलो क्रेज छ ।
फिल्मले पहिलो दिनमै ठूलो कमाई गर्दै धेरै रेकर्ड तोडेको छ ।
हिन्दी मात्रै होइन, साउथमा पनि प्रभासको यस फिल्मले धमाकेदार कमाई गर्न सफल भएको छ ।
आदिपुरुषको पहिलो दिनको सङ्कलनले धेरैलाई आश्चर्यचकित पारेको छ ।
प्रारम्भिक तथ्यांक अनुसार आदिपुरुषले हिन्दीमा पहिलो दिनमै ५० करोडभन्दा बढी कमाएको छ ।
पठानपछि आदिपुरुषले हिन्दी भाषी राज्यमा सबैभन्दा बढी कमाइ गरेको छ ।
योसँगै प्रभासको फिल्मले अन्य भाषामा पनि करिब ५० करोड कमाएको छ ।
प्रभास र कृति सेननको यो फिल्मले भारतमा मात्रै १२० देखि १४० करोड कमाएको छ । जसलाई उत्कृष्ट कलेक्सन मानिन्छ ।
