मनोजको गीत ‘धनकुटाको सल्लेरी बनैमा’ सार्वजनिक

काठमाडौँ । गायक तथा संगीतकार मनोज तिवारीको नयाँ गीत सार्वजनिक भएको छ । युट्युबमार्फत सार्वजनिक गरिएको ‘धनकुटाको सल्लेरी बनैमा’ बोलको गीतमा मनोजको स्वर छ ।

मनोज स्वयं र सन्तोष थापाको शब्द रचना रहेको गीतमा संगीत पनि उनीहरू दुवैले संयुक्त रूपमा भरेका छन् ।

गीतले धनकुटाको स्थानीय पहिचानबारे जानकारी दिँदै मायाप्रेम पनि समेटेको छ । पूर्वेली लोक–पपलयमा रहेको गीतले पूर्वका धार्मिकस्थल र लेकबेसीबारे पनि जानकारी दिने प्रयास गरेको छ ।