काठमाडौँ । ‘द भ्वाइस अफ नेपाल’को टिम सांगीतिक कन्सर्ट गर्न युकेतर्फ प्रस्थान गरेको छ । ‘भ्वाइस अफ नेपाल २०२४’को टोली सांगीतिक कन्सर्ट गर्न सिजन ५ का टप प्रतिस्पर्धी र ४ का प्रतिस्पर्धीहरूको लिएर बिहीबार बिहान कतार एयरलाइन्समार्फत् युके प्रस्थान गरेको हो ।
उक्त टिममा ‘द भ्वाइस सिजन ५’ का फस्ट रनर अप मकरबहादुर योन्जन, ‘तेस्रो रनर अप’ नोगेन लिम्बू र सिजन ४ को टप ४ योगेश मगर रहेका छन् । सिजन ५ का विजेता विनोद राई अमेरिका रहेकोले त्यहीबाट सहभागी जनाउने छन् भने सिजन ५ का दोस्रो रनर अप कुमार प्रयास टेक्निकल समस्याले गर्दा केही समयमा सहभागी हुने भ्वाइसका कार्यकारी निर्माता तथा होस्ट सुशील नेपालले जानकारी दिए ।
नेपालका अनुसार युकेको १० वटा सहरमा कार्यक्रम हुनेछ। उनले योभन्दा अगाडि ३ पटक कार्यक्रम गरिसकेको बताए ।
कार्यक्रमलाई युकेमा रहेको सुनगाभा इन्टरटेनमेन्ट कम्पनीले आयोजना गरेको हो । सुनगाभाले भ्वाइसको टिमसँग पहिलो पटक सहकार्य गरेको बताउँदै अब निरन्तर सहकार्य हुने सुनगाभाका प्रतिनिधी सडज लिम्बूले बताए ।
सुनगाभाले योभन्दा अगाडि पनि नेपाली कलाकारलाई लगेर नेपाली संस्कृतिलाई प्रचार प्रसार गरेको उनले बताए । कार्यक्रम एक महिनासम्म चल्नेछ ।
