काठमाडौँ । अभिनेत्री दीपिका प्रसाईं आमा बनेकी छन् । चार वर्षअघि निर्देशक दिवाकर भट्टराईसँग बिहे गरेकी दीपिका छोराको आमा बनेकी हुन् ।
पहिलो सन्तान पाएपछि दिवाकरले श्रीमतीलाई महान् भन्दै भावुक स्टाटस लेखेका छन् ।
‘प्रिय बुडु ! तिमी आमा भएकी छौ ! महान् आमा ! तिमीप्रति आभारी हुने र तिम्रो प्रशंसा गर्ने शब्दहरू कम छन् मसँग माया । के भनुँ जो आफू मृत्युसँग लडेर मलाई जीवन दिएकी छौ । यसको खुसी म कसरी तिमीलाई भनु, आज महसुस हुँदै छ, संसारमा आमा किन महान् हुन्छन् ? खास त्यही महानताभित्र नै संसार अडेको रैछ ! तिमी पनि त्यो महान् आमा भएकी छौ । र, मलाई बाबा बन्ने सौभाग्य दिलाएकी छौ । यसका निम्ति सदियौँसम्म म ऋणी छु,’ भट्टराईले लेखेका छन् ।
दिवाकर भट्टराईकै निर्देशनमा बनेको फिल्म ‘ऐश्वर्य’ डेब्यु गरेकी दीपिकाले छक्कापञ्जा– ३, हेलो जिन्दगीलगायत फिल्म खेलेकी छन् । दीपिका दिवाकरकै निर्देशनमा बनेको ‘मायवी’मा पल शाहको अपोजिटमा छिन् । जुन फिल्म रिलिजको पर्खाइमा छ ।
