खगेन्द्र लामिछाने ‘मेयर’ बन्दै

काठमाडौँ । चलचित्र ‘मेयर’को मुख्य पात्रमा अभिनेता खगेन्द्र लामिछाने अनुबन्ध भएका छन् । सर्लाहीको वाग्मती नगरपालिकाका मेयर भरतकुमार थापाको कथामा आधारित चलचित्रको मुख्य पात्रको भूमिका लामिछानेले निर्वाह गर्ने भएका हुन् ।

थापाको राजनीतिक यात्रालाई समेटेर कथानक चलचित्र बनाउन लागिएको हो । चलचित्र ‘मेयर’लाई दीपेन्द्र के खनालले निर्देशन गर्दैछन् । निर्देशक खनालका अनुसार माघको दोस्रो साताबाट चलचित्रको छायांकन सुरु हुनेछ ।

थापाको राजनीनिक यात्राका बारेमा सिनेमा बन्ने भए पनि यो पूर्ण बायोपिक भने नहुने निर्देशक खनालले जानकारी दिए ।