एजेन्सी । टिभी अभिनेता दिनेश फडनीसका फ्यानहरुका लागि दुखको खबर आएको छ । अभिनेताले यो संसारलाई सदाको लागि छाडे ।
डिसेम्बर १ मा, अभिनेताको स्वास्थ्य बिग्रियो र उनलाई अस्पतालमा भर्ना गरिएको थियो । जीवन र मृत्युको लडाइँ लड्दै विगत चार दिनदेखि भेन्टिलेटरमा थिए । उनले यो लडाई हारे ।
अभिनेताको निधनको खबर उनका सहकलाकार तथा दयानन्द शेट्टीले दिएका छन् । उनले गएराति १२ः०८ बजे आफ्नो साथीले अन्तिम सास लिएको बताए । उनले ५७ वर्षको उमेरमा यो संसार छोडे । उनको निधनको खबरले टिभी इन्डस्ट्रीमा शोकको लहर छ ।
आइतबार बिहान दिनेश फडनीसलाई हृदयघात भएको खबर बाहिर आएको थियो, जसका कारण उनलाई मुम्बईको तुंगा अस्पतालमा भर्ना गरिएको थियो । उनको स्वास्थ्य अपडेट पनि साँझ आएको थियो । दयानन्द शेट्टीले एक अन्तर्वार्तामा कलाकारलाई हृदयाघात नभएको तर कलेजोमा क्षति पुगेको खुलासा गरेका थिए जसका कारण उनी भर्ना भएका थिए ।
दिनेशले ‘सीआईडी’ मा धेरै वर्ष काम गरेका थिए । उनले १९९८ देखि २०१८ सम्म फ्रेडरिकको भूमिका खेले । यसबाहेक उनी ‘तारक मेहता का उल्टा चश्मा’ मा पनि केमियो रोलमा देखिएका थिए । यसबाहेक उनी आमिर खानको फिल्म ‘सरफरोश’ र ऋतिक रोशनको ‘सुपर ३०’ मा पनि देखिएका थिए ।
