एजेन्सी । बलिउडका महानायक अमिताभ बच्चन र उनी श्रीमती जया बच्चनले जुहुको बंगला ‘प्रतिक्षा’ आफ्नी छोरी श्वेता नन्दालाई हस्तान्तरण गरेका छन् ।
भारतीय सञ्चारमाध्यमका अनुसार १६ हजार ८४० स्क्वायर फिटमा बनेको बंगला श्वेताको नाममा हस्तान्तरण गर्दा यसको मूल्य ५० करोड ६३ लाख देखाइएको छ । यो बंगला दुई प्लटमा बनेको छ । ९ हजार ५ सय ८५ स्क्वायर फिट अमिताभको नाममा र ७ हजार २५० स्क्वायर फिट श्रीमती जयाको नाममा थियो ।
अभिषेक बच्चन र ऐश्वर्या रायको विवाह सन् २००७ मा यसै प्रतीक्षा बंगलामा भएको थियो । बुबा हरिवंश रायले आफ्नो कविताबाट प्रेरित भएर यसको नाम प्रतिक्षा राखेका हुन् ।
अमिताभ बच्चनको मुम्बईमा पाँचवटा बंगला छन् । उनका ४ वटा बंगलाको नाम जलसा, जनक, प्रतिक्षा र वत्स हो । अमिताभ आफ्नो परिवारसँग मुम्बईको जुहू क्षेत्रमा रहेको जलसा बंगलामा बस्छन् । यस बंगलाको मूल्य करिब ५०.६३ करोड भारु रहेको बताइएको छ ।
यो बंगला फिल्म ‘सत्ते पे सत्ता’ को सफलतापछि निर्देशक रमेश सिप्पीले बिग बीलाई भुक्तानस्वरूप दिएका थिए । उनको दोस्रो बंगला ‘प्रतीक्षा’ को मूल्य ५० करोड रुपैयाँ रहेको बताइएको छ, जहाँ उनी बुबासँग बस्थे । बिग बीको ‘जनक’ बंगलामा अफिस छ ।
यसबाहेक उनको पुर्खाको घर उत्तर प्रदेशको इलाहाबादमा पनि छ । अमिताभले यस ठाउँलाई शैक्षिक ट्रस्टमा परिणत गरेका छन् । उनको देशमा अन्य धेरै सम्पत्तिहरू छन् । अमिताभ बच्चनले ३३९० करोडको सम्पत्तिका साथ वार्षिक ६० करोड रुपैयाँ कमाउँछन् ।
