एजेन्सी । बलिउड अभिनेत्री कंगना रनौत आफ्नो स्पष्टवक्ता र फिल्मका कारण सधैं चर्चामा रहन्छिन् । कंगना रनौत आफ्नो दमदार अभिनयका लागि परिचित छिन् । तर, अब अभिनयसँगै कंगनाले निर्देशनको जिम्मेवारी पनि लिन थालेकी छिन् ।
अभिनेत्रीको फिल्म तेजस हिजोबाट हलमा रिलिज भएको छ । फिल्मको समीक्षाको कुरा गर्दा समीक्षकले राम्रो प्रतिक्रिया दिएका छन् ।
तर फिल्मको पहिलो दिनको कमाईले निर्माणकर्तालाई निराश बनाएको छ । तेजसको पहिलो दिनको तथ्यांक बाहिर आएको छ ।
यो फिल्मलाई सर्वेश मेवार र रोनी स्क्रूवालाले निर्देशन गरेका हुन् । फिल्मको कथा मिशनमा आधारित छ । कंगना आतंककारीको चंगुलबाट मानिसहरूलाई बचाइरहेको देखिन्छ।
कंगना रनौतले तेजसबाट धेरै आशा राखेकी थिइन् । तर, उनको फिल्मको अवस्था पहिलो दिनदेखि नै खराब देखिन्छ ।
ओपनिङ कलेक्सन देखेपछि तेजसलाई फ्लप फिल्म भन्न थालेका छन् ।
तेजसले उद्घाटन दिन मात्रै ०.७५ करोडको व्यापार गरेको छ । तर निर्माताले शनिबार र आइतवारमा आफ्नो नजर राखेका छन् ।
