बलिउडका चर्चित कलाकार दलीप ताहिललाई जेल सजाय

एजेन्सी । बलिउडका चर्चित कलाकार दलीप ताहिलले आफ्नो कामबाट दर्शकलाई निकै मनोरञ्जन दिएका छन् । तर दिलीप ताहिल अहिले समस्यामा परेका छन् ।

दलीप ताहिललाई २ महिना जेल सजाय तोकिएको छ ।

सन् २०१८ मा दलीप ताहिलको गाडीले अटोरिक्सालाई ठक्कर दिएको थियो ।

मिडिया रिपोर्टका अनुसार दलीप ताहिलले मादक पदार्थ सेवन गरी गाडी चलाएका थिए । दुर्घटनापछि प्रहरीले अभिनेतालाई पक्राउ गरेको थियो ।

उक्त घटनामा एक महिलालाई चोट पुर्‍याएको आरोपमा उनलाई अदालतले दोषी ठहर गरेको छ । अब यस मुद्दामा अदालतले अभिनेतालाई २ महिनाको जेल सजाय सुनाएको छ ।

दलीप ताहिलले मादक पदार्थ सेवन गरी कार चलाउँदा अटोरिक्सालाई ठक्कर दिँदा उक्त अटोमा एक युवक र एक युवती थिए । जो घाइते भएका थिए ।