विवाह समारोहमा ५ मिनेटको प्रस्तुतीका लागि करोडौं पारिश्रमिक लिन्छन् सेलीब्रेटी

एजेन्सी । सेलिब्रेटीहरुले महँगो बिहेमा प्रस्तुती दिने चलन सामान्य भइसकेको छ । पाँच मिनेटको प्रस्तुतीका लागि उनीहरुले करोडौं रुपैयाँ लिन्छन् । इभेन्ट म्यानेजर र उद्योग विज्ञहरूका अनुसार सलमान र शाहरुखजस्ता स्टारहरूले विवाह समारोहमा प्रस्तुती दिएबापत ३ करोडभन्दा बढी शुल्क लिने गरेका छन् ।

रणवीर सिंहले १.७५ करोड लिन्छन भने रणवीर कपुरले १.५ करोड लिन्छन् । आलिया भट्ट र दीपिका पादुकोणको पारिश्रमिक पनि १.५ करोड रुपैयाँ छ ।

विशेष कुरा के छ भने कलाकारभन्दा गायकको माग बढी छ । उनीहरुको पारिश्रमिक कलाकारको भन्दा बढी छ ।

अरिजित सिंह बिरलै मात्र विवाह समारोहमा प्रदर्शन गर्छन् । त्यसवापत उनले उच्चतम रकम पाउँछन् । उनले कम्तीमा ५ करोड रुपैयाँ लिने गरेका छन् । अहिले एपी ढिल्लनको मूल्य पनि निकै उच्च छ । उनले विवाह समारोहमा प्रस्तुती दिएबापत ४ करोड रुपैयाँसम्म पारिश्रमिक लिन्छन् ।