अक्षय कुमारको फिल्म ‘मिशन रानीगञ्ज’ ले बक्स अफिसमा पहिलो दिन खासै राम्रो कमाई गर्न सकेन

एजेन्सी । बलिउड अभिनेता अक्षय कुमारको फिल्म ‘मिशन रानीगञ्ज’ ले बक्स अफिसमा पहिलो दिन खासै राम्रो कमाई गर्न सकेन । तर, यस फिल्मले राम्रो रिभ्यु भने पाएको छ । सोही कारण पनि फिल्मको बक्स अफिस कलेक्सन विस्तारै बढ्ने अनुमान गरिएको छ ।

अक्षय कुमारको फिल्म ‘मिशन रानीगञ्ज’ रिलिज हुनुभन्दा दुई दिनअघि नै एडभान्स बुकिङ सुरु गरिएको थियो तर फिल्मले खासै फाइदा लिन सकेको छैन ।

ट्रेड वेबसाइट सचनिकको रिपोर्ट अनुसार फिल्म मिशन रानीगंजले उद्घाटन दिन २.८ करोड रुपैयाँ संकलन गरेको छ। ‘मिशन रानीगञ्ज’ वास्तविक जीवनका नायक जसवंत गिलको कथा हो ।

फिल्ममा अक्षय कुमारले जसवंत गिलको भूमिका निर्वाह गरेका छन् । यो फिल्मको बजेट ५५ करोड भारु रहेको बताइएको छ ।

त्यस्तै फिल्म ‘थ्याङ्क यु फर कमिङ’ले दर्शकको राम्रो प्रतिक्रिया पाइरहेको छ । रिपोर्ट अनुसार यो फिल्मले पहिलो दिन ८० लाख कमाएको छ।