एजेन्सी । सन् २०१९ मा रिलिज भएको शाहिद कपूरको फिल्म कबीर सिंह ब्लकबस्टर भएको थियो । यो उनको करियरको सबैभन्दा ठूलो फिल्म हो ।
हालै एक अन्तर्वार्तामा उनले पहिले यो फिल्म गर्न इन्कार गरेको बताएका थिए । तर, उनकी श्रीमती मीरा राजपूतले उनलाई प्रेरित गरेको र त्यसपछिमात्रै उनी फिल्मका लागि राजी भएका थिए ।
कबीर सिंह दक्षिण अभिनेता विजय देवरकोंडाको फिल्म अर्जुन रेड्डीको हिन्दी रिमेक हो।
निर्माताहरू यसको रिमेक गर्न चाहन्थे । सोही क्रममा उक्त फिल्म गर्न शाहिदलाई प्रस्ताव आएको थियो ।
शाहिदले भने, ‘त्यसपछि जब मीरा र मैले यो फिल्म हेर्यौँ, हामीलाई यो फिल्म निकै राम्रो लाग्यो । यी सबै कुरा यस फिल्ममा देखिएका छन्, जुन फिल्ममा कल्पना पनि गर्न सकिँदैन।’
शाहिद कपुरले पहिले यो फिल्म अस्वीकार गर्ने बताएका थिए । जसरी विजयले आफ्नो क्यारेक्टर राम्रोसँग निभाएका थिए, त्यो भूमिका आफूले निभाउन नसक्ने उनलाई लागेको थियो ।
शाहिदले भने, पहिले मीराले उनलाई करिब ५ मिनेटसम्म हेरिन् र भनिन्, ‘तिमी यो फिल्म गर । यो फिल्म तिम्रो लागि एकदम सही छ। अहिलेसम्म मानिसहरुले तिमीलाई मायाले भरिएको फिल्ममा देखेका छन् । फ्यानरूले तिमीलाई जटिल पात्रमा पनि हेर्न मन पराउँछन्।’
शाहिदले मीराको बुझाउने तरिका एकदमै सरल रहेको बताए, त्यसपछि उनले यो फिल्म गरे । यो फिल्ममा शाहिद कपूरसँग कियारा आडवाणी देखिएकी थिइन् । दुवैको जोडी पर्दामा निकै बलियो थियो । दुवैलाई फ्यानले निकै मन पराएका थिए ।
