अभिनेता अनमोल केसी अस्पताल भर्ना

काठमाडौँ । छातीमा समस्यादेखिएपछि अभिनेता अनमोल केसी अस्पताल भर्ना भएका छन्। आपराधिक विश्वासघात गरेको आरोपमा पक्राउ परेका अभिनेता केसी गएराति पक्राउ परेका थिए । उनलाई चिरायु अस्पतालमा भर्ना गरिएको प्रहरीले जनाएको छ ।

रावायण नाम फिल्म खेल्नका लागि १० लाख रूपैयाँ लिएको र सम्झौता अनुरुप अगाडि नबढेको भन्दै चन्द्रकला कटवाल थापाले अनमोलविरुद्ध उजुरी दिएकी थिइन्।

उजुरी परेपछि पटपटक छलफलका लागि दुबै पक्षलाई बोलाउँदा पनि अनमोल नआएपछि अपराध अनुसन्धान कार्यालयको टोलीले उनलाई पक्राउ गरी शुक्रबार प्रहरी वृत्त सिंहदरबारमा बुझाएको थियो।

उनीविरुद्ध परेको उजुरीमाथिको कारबाही आइतबारदेखि सुरू हुनेछ।