एजेन्सी । कन्नडबाट भारतीय फिल्म इन्डस्ट्रीले केजीएफ फेम यशको रूपमा एक पान इन्डियन स्टार पाएको छ । यस फिल्मको दोस्रो भागको ठूलो सफलतापछि उनका फ्यानदेखि लिएर ट्रेड करिडोरसम्म यशको अर्को फिल्म के हुने हो भनी उत्सुकताका साथ पर्खिरहेका छन् ।
यशको अर्को प्रोजेक्ट गोवाको पृष्ठभूमिमा आधारित हुनेछ ।केजीएफजस्तै यो पनि एक पिरियड क्राइम ड्रामा हुनेछ । ६० को दशकमा गोवामा रुसी र ड्रग्स माफियाको घुसपैठ देखाइनेछ । यशको चरित्रले कसरी रुसको वर्चस्वलाई चुनौती दिन्छ भन्ने बारेमा कथा हुनेछ ।
यशको नजिकको स्रोतका अनुसार यो फिल्मका निर्देशक केजीएफका प्रशान्त नील हुनेछैनन् । बरु मलयालम फिल्मका निर्देशक फाइनल भएको छ । उनको नाम लता मेनन हो । उनी प्रसिद्ध फिल्म निर्माता र सिनेमेटोग्राफर राजीव मेननकी पत्नी हुन् ।
गोवाको ड्रग माफिया दक्षिणमा पनि कम अन्वेषण गरिएको छ । यससँगै त्यहाँको रुसी माफियाको राजनीतिक सम्बन्ध पनि कम पर्दाफास भएको छ । यस्तो अवस्थामा यशलाई त्यो कथानक विषयको रूपमा निकै मन पर्यो । उनले यसलाई सुरु गर्न गम्भीर रुपमा सोचिरहेका छन् ।
केजीएफ सिरिज जस्तै यो फिल्म पनि एक्शन थ्रिलर हुनेछ । श्रोतका अनुसार यस फिल्ममा यश आफैं पनि निर्माता हुन् । यो पनि १०० करोडभन्दा माथिको बजेटमा बन्नेछ ।
