इन्डिया–भारत विवादका बीच अक्षय कुमारले फिल्मको नाम परिवर्तन गरे

एजेन्सी । बलिउड अभिनेता अक्षय कुमारले आफ्नो फिल्म रानीगंज – द ग्रेट इन्डियन रेस्क्युको नाम परिवर्तन गरी रानीगंज – द ग्रेट भारत रेस्क्यू राखेका छन् । मंगलबारदेखि नै इन्डियालाई औपचारिक रूपमा भारत भनेर चिनिने चर्चा चलेको छ ।

जी–२० शिखर सम्मेलनमा सहभागी हुने विश्व नेताहरुलाई पठाइएको निमन्त्रणा पत्रमा परम्पराबाट अलग्गै ‘भारतका राष्ट्रपति’ लेखिएको छ । अब अक्षयले यसै क्रममा आफ्नो फिल्मको नाम पनि परिवर्तन गरेका हुन् । फिल्मको टिजर आज रिलिज हुँदैछ ।

अक्षय कुमारले आफ्नो सामाजिक सञ्जाल अकाउन्टमा फिल्मको मोसन तस्बिर शेयर गरेका छन् । उनले लेखेका छन्– ‘यो १९८९ को कुरा हो, एकजना मानिसले त्यो गरे जुन लगभग असम्भव थियो । भारतको वास्तविक नायकको कथा हेर्नुहोस् । ६ अक्टोबरमा मिशन रानीगञ्ज तपाईं नजिकै थिएटरहरूमा ।’