फिल्म ‘गदर २’ ले हालसम्म कति कमायो ?

एजेन्सी । सन्नी देओल र अमिषा पटेल अभिनित फिल्म ‘गदर २’ ले बक्स अफिसमा राम्रो व्यापार गरिरहेको छ । तेस्रो हप्तामा पनि गदर २ ले बक्स अफिसमा दबदबा बनाएको छ । अगस्ट ११ मा रिलिज भएको गदर २ ले फ्यानबाट धेरै माया पाएको छ ।

शाहरुख खानको पठानपछि अब सनी देओलको गदर २ यस वर्षको सबैभन्दा धेरै कमाउने फिल्म बनेको छ ।

त्यस्तै शाहरुखको जवान रिलिज हुनुअघि गदर २ ले बक्स अफिसमा ५०० करोडको कमाई गर्ने विश्वास गरिएको छ ।

बक्स अफिसमा एकपछि अर्को नयाँ रेकर्ड बनाइरहेको सनी देओलको फिल्म गदर २ ले रिलिजको २२ औं दिनमा पनि राम्रो कमाई गरिरहेको छ । गदर २ ले शुक्रबार तेस्रो सप्ताहन्तमा ४.३० करोड कमाएको छ । यसरी भारतमा फिल्मको कुल कलेक्सन ४८६.७५ करोड पुगेको छ । गदर २ को विश्वव्यापी संग्रह ६३१.८ पुगेको छ ।